Zelenski yanvar ayının sonunda Tramp ilə danışıqlara başlamağa hazırdır

Ukrayna Prezidenti Volodimir Zelenski, ABŞ-ın seçilmiş prezidenti Donald Tramp ilə yanvar ayının sonunda danışıqlara başlamağa hazır olduğunu bəyan edib.

"Ulusum.az xəbər verir ki, bu barədə Ukrayna lideri ABŞ jurnalisti Leks Fridmana verdiyi müsahibədə bildirib.

"Fikrimcə, 25 yanvar və ya başqa bir gün ola bilər. Siz sadəcə 25 yanvarı qeyd edirsiniz, mən isə etiraz etmirəm... Və biz ilk növbədə Tramp ilə [danışıqlar masasına] oturacağıq," — deyə o bildirib.

Zelenski vurğulayıb ki, növbəti mərhələ AB ilə nizamlanma danışıqları olmalıdır və yalnız bundan sonra Rusiya ilə danışıqlar aparılmalıdır.

Eyni zamanda, Zelenski Ukraynada sülh danışıqlarını Tramp və Rusiya Prezidenti Vladimir Putin ilə üçtərəfli formatda aparmaqdan imtina edib.


Səidə Mustafa