Aleksandr Vuçiç: Serbiya, Rusiyadan NIS-dəki payını 700 milyon avroya almağa hazırdır

Serbiya, ABŞ sanksiyalarına məruz qalarsa, Rusiyadan "Serbiya Neft Sənayesi"ndəki payını 700 milyon avroya almağa hazır olduğunu bəyan edib.

"Ulusum.az" xəbər verir ki, bu barədə Serbiya prezidenti Aleksandr Vuçiç dövlət başçısının rəsmi saytında yayımlanan bəyanatında bildirib.

"Serbiya hakimiyyəti, ABŞ sanksiyalarına məruz qalarsa, 'Gazpromneft' və 'Gazprom'un (56,15 faiz) 'Serbiya Neft Sənayesi'ndəki bütün payını təxminən 700 milyon avroya almağa hazırdır," — deyə siyasətçi vurğulayıb.

Vuçiç qeyd edib ki, Serbiya Rusiyaya qarşı sanksiyalar tətbiq etməyəcək, amma "Gazprom"un payını almaq üçün vəsaitlərə malikdir. O, həmçinin əlavə edib ki, bu məsələni cari ayda Rusiya lideri Vladimir Putinlə müzakirə etməyi planlaşdırır.