Ermənistan Baş Qərargah rəisinin keçmiş birinci müavini həbs edilib

Ermənistanin keçmiş birinci müavini, Milli Qəhrəman general-leytenant Tiran Xaçatryan həbs edilib. Bu barədə "Sputnik Ermənistan"-a onun vəkili Varazdat Arutyunyan məlumat verib.

Vəkil cinayət işinin təfərrüatlarını açıqlamayıb, yalnız onun 44 günlük müharibə ilə əlaqəli olduğunu bildirib.

Qeyd edilir ki, general səhər saatlarında saxlanılıb və bu gün məhkəmə istintaqın onun həbsinə dair ərizəsini müzakirə etməlidir.

Vəkilin sözlərinə görə, cinayət işi artıq təxminən üç ildir ki, araşdırılır və bu müddət ərzində Xaçatryan şahid statusunda istintaqla fəal əməkdaşlıq edib.

İstintaq Komitəsində cinayət-prosessual tədbirlərin keçirildiyini və saxlanılan şəxs olduğunu təsdiqləyiblər, amma onun adını açıqlamayıblar.

Xaçatryan 2020-ci ilin oktyabrında müharibə dövründə Milli Qəhrəman adını alıb, amma 2021-ci ilin fevralında vəzifəsindən azad edilib. General istefaya gedəndən sonra dəfələrlə hakimiyyətin siyasətini tənqid edib.