Trampdan sərt qadağa: 12 ölkənin vətəndaşlarına ABŞ qapısı bağlandı

ABŞ prezidenti Donald Tramp yenidən səhnəyə qayıtdı və ilk addımı səs-küylü oldu: iyunun 4-də o, prezidentliyi dövründə tətbiq etdiyi mübahisəli səyahət qadağasını yenidən qüvvəyə mindirən sərəncam imzaladı. Bu qərar Əfqanıstan, İran və digər 10 ölkədən olan vətəndaşların ABŞ-a səfərinə qadağa qoyur.

Tramp bu addımını Kolorado ştatının Boulder şəhərində baş vermiş son terror hücumu ilə əlaqələndirib:
"Biz ölkəmizə nəzarətsiz şəkildə daxil olanları, xüsusən də vizasının müddətini aşanları istəmirik", – deyə o, videomüraciətində bildirib.

ABŞ-a yönəlmiş təhlükələr fonunda Donald Tramp təhlükəsizlik kartını yenidən oynadı. O, bəyan etdi ki, ölkəyə lazımi şəkildə yoxlanılmamış əcnəbilərin axını ABŞ üçün real təhlükədir və buna artıq dözümlülük göstərilməyəcək. Qadağa, xüsusilə Yaxın Şərq və Asiya ölkələrindən olan şəxsləri əhatə edir.

Ulusum.az