Böyük Britaniya F-35A ilə nüvə gücünü gücləndirməyə hazırlaşır

Londonda ABŞ istehsalı olan, nüvə aviabombaları daşıya bilən beşinci nəsil F-35A Lightning casus təyyarələrinin alınması məsələsi müzakirə olunur, - "The Sunday Times" yüksək vəzifəli mənbələrə istinadən xəbər verib.

Mənbələrin məlumatına görə, bu məsələ Britaniya müdafiə nazirliyinin rəhbərliyi tərəfindən artıq ABŞ-ın Müdafiə Nazirliyi ilə müzakirə olunur. Təyyarələrin uçuş məsafəsi 1,4 min kilometrdir ki, bu da F-35-in digər variantlarından daha çoxdur. 2023-cü ilin oktyabrında ABŞ-da F-35A təyyarələri termonüvə aviabombası B61-12-ni daşımaq üçün sertifikatlaşdırılıb.

Nəşr bildirir ki, bu addım reallaşarsa, bu, Soyuq Müharibənin sonundan bəri Britaniyanın nüvə qüvvələrinin ən böyük inkişafı olacaq.

Hazırda Böyük Britaniya nüvə vasitələrinə yalnız dənizdən əsaslanan sistemlə malikdir. Kral donanmasında Vanguard sinifindən dörd strateji nüvə sualtı qayıq var, hər biri 16 ədəd Traident II D5 qitələrarası ballistik raket daşıya bilir.

Ulusum.az