Ərdoğan: Türkiyə Qətəri bütün gücü ilə dəstəkləməyə hazırdır

Türkiyə prezidenti Rəcəb Tayyib Ərdoğan Qətər əmiri Şeyx Təmim bin Hamed Al Sani ilə telefon danışığı aparıb.

Türkiyə Prezident Administrasiyasının Kommunikasiya İdarəsinin məlumatına görə, liderlər İsrailin Dohada HƏMAS nümayəndə heyətinə qarşı həyata keçirdiyi hücumu və bu hücuma qarşı mümkün birgə addımları müzakirə ediblər.

Ərdoğan İsrailin hərəkətlərini kəskin tənqid edərək, bunun münaqişəni dərinləşdirməyə və Qətərin suverenliyini pozmağa yönəldiyini bildirib. O, həmçinin həlak olanların ailələrinə başsağlığı verib və vurğulayıb ki, Türkiyə bütün gücü ilə müttəfiq dövləti və onun xalqını dəstəkləməyə hazırdır.

Hər iki lider Qəzza sektorunda kütləvi qırğınların tezliklə dayandırılması üçün birgə səyləri davam etdirmək barədə razılığa gəlib.

Ulusum.az