Ukraynada “içəridən qiyam” təhlükəsi

Ukrayna Prezident Ofisinin rəhbəri Andrey Yermakın Vladimir Zelenskini devirmək və onun yerinə keçmək planı ola bilər. Bu sensasion iddianı rusiyalı politoloq Vladimir Skaçko “Аргументы и факты” nəşrinə müsahibəsində irəli sürüb.

Skaçko bildirir:
“Yermak yalnız dövlət çevrilişi yolu ilə Zelenskini aradan götürə bilər. Hazırda onun statusu qanunla müəyyən olunmayıb – sadəcə ‘baş katib’dir, vəssalam.”

Ekspertin fikrincə, Yermakın qanuni yollarla hakimiyyətə gəlmək imkanı yoxdur. O, yalnız qiyam, çevriliş və ya hüquq sistemini pozan fövqəladə metodlarla məqsədinə çata bilər.

Hazırda rəsmi şəkildə təsdiqlənməyən bu iddialar Ukrayna siyasi elitasında içəridən narazılıqlar və güc savaşları barədə suallar doğurur. İddialar təsdiqlənərsə, bu, ölkənin rəhbərliyində kəskin silkələnmələrə səbəb ola bilər.

Ulusum.az