Zaxarova Dağıstana aşiq oldu

Rusiya XİN-in rəsmi nümayəndəsi Mariya Zaxarova Dağıstana səfəri ilə bağlı Telegram kanalında səmimi təəssüratlarını bölüşüb. O, bölgədəki qarşılanmanı “unudulmaz” adlandırıb və qeyd edib ki, onu müşayiət edən xarici jurnalistlər də Dağıstana valeh olublar.

“Hamımız bu yerlərə, insanlara və onların torpağa, mədəniyyətə olan münasibətinə vurulduq”, – deyə diplomat bildirib.

Zaxarova Mahaçqalada keçirdiyi brifinq zamanı müxalif resursların onun səfərinə verdiyi reaksiyanı “uşaq şeiri” ilə müqayisə edərək istehzalı cavab verib.

Hətta zarafatla bildirib ki, onu “Yeddi qardaş və bir bacı” qəsrinə qapatmaq təklifinə sevinclə razı olardı: “Dağıstan xoşuma gəldi, amma çox işim var”.

O həmçinin bildirib ki, səfəri illər öncə deyil, cəmi bir həftə əvvəl razılaşdırılıb.

Ulusum.az