Qəzzada dəhşət: İsrail ordusu sonuncu xəstəxananı yerlə bir etdi

İsrail Silahlı Qüvvələri Qəzza zolağının şimalında yerləşən İndoneziya Xəstəxanasının sökülməsinə başlayıb. Bu barədə "Al Jazeera" kanalı məlumat yayıb. Xəstəxananın içərisində 55 nəfər (12 tibb işçisi və 43 pasiyent) binada blokadada qalıb.

Bu xəstəxana bölgədə fəaliyyət göstərən sonuncu tibbi müəssisə idi və təxminən 400 min sakinə xidmət göstərirdi. İsrail ordusu ağır texnika və artilleriyadan istifadə edərək, xüsusilə reanimasiya şöbəsinə atəş açır.

Buldozerlər və hərbi texnika artıq xəstəxananın şimal divarı və giriş qapısını dağıdıb, bir çox insan dağıntılar altında qalıb. Ətraf ərazilərdə atəş səsləri və artilleriya partlayışları eşidilir. Fələstin Səhiyyə Nazirliyi bəyan edib ki, bu xəstəxana Cabaliya, Beyt-Lahiya və Beyt-Hanun sakinləri üçün həyati əhəmiyyət daşıyırdı. Artıq bu bölgələrdə tibbi yardım tamamilə əlçatmaz olub.

✍️"Ulusum".az