Makron, pivə və problemlər: Prezidentin gözlənilməz bar səfəri

Fransa prezidenti Emmanuel Makronun kiçik bir bara gözlənilməz səfəri ziyarətçilər arasında çaşqınlıq yaradıb. Bu barədə The New York Times yazır. Məkanın daimi müştərilərindən bəziləri əvvəlcə qarşılarındakı şəxsin prezidentin bənzəri olduğunu düşünüblər.

"Narahat fransız xalqını düşündürən səhiyyə, iş yerləri, maaşlar və digər gündəlik məsələlər barədə o, bir saatdan çox söhbət etdi," — deyə nəşrdə qeyd olunur.

Bu qeyri-rəsmi ziyarət Makronun uzaq və əlçatmaz siyasətçi imicindən qurtulmaq cəhətinin bir hissəsidir. Barın qonaqları əmindirlər ki, o, xalqla daha yaxın olmaq üçün çalışır. Fransa lideri tez-tez sadə vətəndaşlarla kifayət qədər əlaqədə olmaması səbəbilə tənqid olunur.

✍️"Ulusum".az