İsrail Qəzza müharibəsini beş il müddətinə dayandırmaq təklifini rədd edir

İsrail hakimiyyəti Qəzza sektorunda döyüş əməliyyatlarının beş il müddətinə dayandırılması barədə sülh təklifini rədd edib. Bu barədə "Kan" dövlət televiziyası mənbəyə istinadən məlumat yayıb.

"Jurnalistlərə məlumat verən siyasi mənbə rəsmi olaraq atəşkəs müqabilində bütün girovların azad olunması şərti ilə beş illik atəşkəs təklifini rədd etdiklərini bildirib", — deyə xəbərdə qeyd olunur.

Qeyd edək ki, döyüşlərin dayandırılması və girovların azad olunması təşəbbüsü 26 aprel tarixində Fələstin hərəkatı HƏMAS tərəfindən irəli sürülmüşdü.

Xatırladaq ki, martın 18-nə keçən gecə İsrail, yanvarın 19-dan qüvvədə olan atəşkəs rejiminə baxmayaraq, Qəzza sektorunda HƏMAS-a qarşı hərbi əməliyyatlarını bərpa edib. Bu addım ABŞ-ın təklif etdiyi girov azadlığı planından HƏMAS-ın imtina etməsinə cavab olaraq atılıb. İsrail ABŞ-ı qabaqcadan hərbi əməliyyatların bərpa olunacağı barədə xəbərdar etmişdi. HƏMAS isə öz növbəsində atəşkəsin pozulmasına görə məhz İsraili günahlandırıb və bunun girovların həyatını təhlükə altına atdığını bəyan edib.

✍️"Ulusum".az[/b]