300 minlik səssizlik: Baydenin nitqlərinə tələb yoxdur

Keçmiş ABŞ prezidenti Co Bayden tədbirlərdə çıxış etmək üçün 300 min dollar qonorar tələb edir.

“Ulusum”.az xəbər verir ki, bu barədə The New York Post məlumat yayıb.

Məlumata görə, Bayden özünü spiker kimi təqdim etsə də, ona maraq azdır. Nəşrin müsahibə verdiyi mənbələr bildiriblər ki, keçmiş prezidenti Creative Artists Agency adlı agentlik təmsil edir, lakin tədbirlərə dəvət almaqda çətinlik çəkirlər.

Qeyd olunur ki, ABŞ-ın 44-cü prezidenti Barak Obamanın çıxış qiyməti prezidentlikdən sonra 400 min dollar təşkil edirdi.

Aprelin 16-da Bayden Çikaqoda çıxışı zamanı hazırkı administrasiyanı sərt tənqid edib. O bildirib ki, yeni komanda 100 gündən az müddətdə “çox sayda zərər və dağıntıya səbəb olub”.

Bayden nitqində Donald Trampın adını çəkməsə də, onu “o oğlan” deyə qələmə verib və onun komandasının “hər şeyi dağıtdığını” qeyd edib.