ABŞ-də “Mədəniyyətlərarası körpü: Azərbaycandan Amerikaya" adlı tədbir keçirilib

ABŞ-ın Viskonsin-Madison Universitetində Azərbaycan Tələbə Assosiasiyasının (AZSA) təşəbbüsü ilə “Mədəniyyətlərarası körpü: Azərbaycandan Amerikaya" adlı tədbir keçirilib.



Tədbirdə Azərbaycanın zəngin mədəni irsi, musiqisi, rəqsləri və sənət nümunələri təqdim olunub. Azərbaycan guşəsində milli dəyərləri əks etdirən suvenirlər və əl işləri nümayiş etdirilib.



Açılışda Azərbaycan və ABŞ himnləri səsləndirilib, AZSA rəhbəri İbrahim Əhmədli və nümayəndə Eltac Sadıqova çıxış edərək tədbirin əhəmiyyətindən danışıblar.



Diasporla İş üzrə Dövlət Komitəsinin əməkdaşı Zaur Salmanov və Azərbaycanın ABŞ-dəki səfirliyinin nümayəndəsi Toğrul Əliyev tədbirin mədəniyyətlərarası əlaqələrin inkişafına verdiyi töhfəni vurğulayıblar.




Tədbirdə AZSA üzvləri Üzeyir Hacıbəyovun əsərlərindən səhnələr təqdim edib və interaktiv oyunlar təşkil ediblər.



✍️"Ulusum".az