Soydaşımızın Kənan Məmmədovun ABŞ mediasında məqaləsi yayımlanıb

ABŞ-də təhsil alan soydaşımız Kənan Məmmədov, CFA İnstitutunun məşhur "Enterprising Investor" saytında məqalə dərc etdirib. Məqaləsinin başlığı "Tariflər və geosiyasət 2025-ci ilin qlobal iqtisadi gözləntilərini necə formalaşdırır?" olan Kənan, qlobal iqtisadiyyata təsir edən əsas amilləri – ticarət tariflərini və geosiyasi riskləri diqqətə çatdırıb. O, müasir iqtisadiyyatın qeyri-müəyyənliyinə və mürəkkəbliyinə işarə edərək, 2025-ci ildə bu risklərin düzgün təhlilinin və strateji qərarların vacibliyini vurğulayıb.

Kənan Məmmədov, Corc Vaşinqton Universitetində təhsil alarkən Azərbaycanlı Tələbə Təşkilatını qurub və müxtəlif diaspor tədbirlərində aktiv iştirak edir. Naxçıvanda keçirilən Diaspor Gənclərinin IV Yay Düşərgəsində iştirak etmiş və Amerika Azərbaycan Gənclər Forumunun təşkilatçılarından biri olub. Onun maliyyə sahəsindəki araşdırmaları artıq bir çox beynəlxalq platformada yayımlanır.

✍️"Ulusum".az