İran və Çin dünyada intenet məhdudiyyətlərinə görə 100 ölkə arasında ən son yerləri bölüşür

İranda internet məhdudiyyətləri Çindən daha pis durumdadır

Tehran Elektron Ticarət Assosiasiyası hesabatında bildirib ki, İranda internetə qoyulan məhdudiyyətlər Çindən daha pis vəziyyətdədir.

Assosiasiyanın saytında paylaşılan hesabata görə, İran və Çin dünyada intenet məhdudiyyətlərinə görə 100 ölkə arasında ən son yerləri bölüşür.

Bildirilib ki, Çin internetin sürətinə görə 100 ölkə arasında 61-ci yerdə, kəsilməyə görə isə 87-ci sıradadır. İran isə internet sürətinə görə 97-ci, internetin kəsilməsi üzrə isə 90-cı yerdədir.

Assosiasiya aşağı internet sürətinin elektron ticarətə dağıdıcı təsirinə toxunaraq, prezidentliyə namizədlərdən bu məsələ ilə bağlı fikirlərini açıq şəkildə bildirmələrini və bu problemə son qoymalarını istəyib.

Eltun Məmmədov