Vatikan: “Süni intellekt insanlığı əvəz edə bilməz”

Vatikan süni intellektin empatiya, etika və mənəvi məsuliyyət kimi insana məxsus dəyərləri əvəz edə bilməyəcəyini vurğulayıb.

Bu fikirlər 2026-cı il mayın 17-də qeyd olunacaq 60-cı Ümumdünya Sosial Kommunikasiyalar Günü ilə bağlı yayılmış məlumatda yer alıb.

Roma Papası XIV Leo bu günün mövzusunu “İnsan səslərinin və üzlərinin qorunması” kimi seçib. Müqəddəs Taxt-Tac süni intellektin manipulyasiya, qərəz və dezinformasiya riski yaratdığını bildirib.

Həmçinin texnologiyaya həddindən artıq etibarın tənqidi düşüncə və yaradıcılığı zəiflədə biləcəyi qeyd olunub. Vatikan media və süni intellekt savadlılığının təhsil sistemlərində təşviqinə çağırış edib.

R.D
Ulusum.az