Edip Akbayram vəfat edib - VİDEO

Məşhur türkiyəli müğənni Edip Akbayram 75 yaşında vəfat edib.“Ulusum”.az Hurrıyet.com-a istinadən xəbər verir.

Onun ölümünə səbəb olaraq, keçirdiyi pnevmoniya xəstəliyi nəticəsində yaranan daxili qanama və çoxsaylı orqan çatışmazlığı göstərilir.

Edip Akbayram, 4 yanvardan bəri Haydarpaşa Numune Təhsil və Araşdırma Xəstəxanasının reanimasiya şöbəsində müalicə olunurdu.

Bütün tibbi müdaxilələrə baxmayaraq, çoxsaylı orqan çatışmazlığı səbəbindən bu gün saat 19:30-da həyatını itirdi.

Onun vəfatı musiqi dünyasında böyük kədər doğurub və pərəstişkarları tərəfindən dərin hüznlə qarşılanıb.