"Kızılcık Şerbeti"ndən ayrılığı səs-küy yaratmışdı... Yeni rolundan ilk dəfə danışdı

"Kızılcık Şerbeti" serialında canlandırdığı Pembe obrazı ilə böyük rəğbət qazanan Sibel Taşçıoğlu, ssenariyə uyğun olaraq serialdan birdən-birə çıxarılması ilə gündəmə gəlmişdi. Onun ayrılığı geniş rezonans doğurdu və az sonra yeni mövsümün iddialı layihələrindən olan "Çarpıntı" serialının heyətinə daxil olduğu açıqlanmışdı.

Serialın 4-cü mövsümə doğru irəlilədiyi bir vaxtda, Sibel Taşçıoğlu vida qərarını cəmi bir həftə öncədən öyrəndiyini bildirib. Sosial şəbəkədə paylaşdığı vida mesajında üç mövsüm boyunca səmimi şəkildə bağlandığı hekayə ilə vidalaşdığını, tamaşaçılara və komanda yoldaşlarına təşəkkür etdiyini yazmışdı.

Veda paylaşımından sonra diqqət çəkən bir hadisə baş vermişdi: Taşçıoğlu, serialın ssenari müəllifi Zeynep Gür’ü Instagram-dan izləmədən çıxarmışdı. Bu barədə xəbərlərdən öyrəndiyini deyən Zeynep Gür isə bu mövzuda bunları demişdi:

“Bu, sadəcə bir hekayə məsələsidir. Mən hər zaman peşəkar düşünmüşəm və bu, belə də davam edəcək. Serial məntiqində əsas olan hekayədir.”
O, sosial mediadan göstərilən reaksiyaları isə "uşaqcasına" adlandırmışdı.



Ayrılıqdan sonra Sibel Taşçıoğlu ilk dəfə danışdı:

“Pembe üçün gözlədiyim bir son deyildi. Əgər ssenarini mən yazsaydım, fərqli bir son düşünərdim. Öləcəyimi gözləmirdim. Amma ssenaristlər belə uyğun görüblər. Başqa seriala keçdiyim iddiası yalandır. ‘Xəstələndi, müalicə üçün ayrıldı’ kimi söz-söhbətlər də doğru deyil.”

Taşçıoğlu “Çarpıntı” serialına qoşulduqdan sonra 99-cu Qazi Yarışı zamanı yeni rolu haqqında danışaraq bildirib:

“Bu dəfə də bir ananı canlandırıram. Gənc bir qızın anasıyam. Əslində bu, güclü bir qadın hekayəsidir. Hekayədə ürək köçürülməsi mövzusu var... Amma çox da təfərrüata girməyim,” – deyə aktrisa bildirib.

Ulusum.az