“Bugünkü ağlım olsa, 5-6 uşaq sahibi olardım” – illər sonra gələn peşmanlıq

Türk televiziya ekranlarının sevilən və tanınmış aktyoru Oktay Kaynarca şəxsi həyatı ilə bağlı verdiyi səmimi açıqlamalarla yenidən gündəmə gəlib. Televiziya proqramında iştirak edən sənətçi evlilik və ata olmaqla bağlı fikirlərini ürək açıqlığı ilə bölüşüb.

O bildirib ki, həyatında içində qalan ən böyük arzusu ata olmaqdır. Uşaq sahibi ola bilmədiyi üçün peşman olduğunu gizlətməyən Kaynarca deyib:

“Evlənmək və uşaq sahibi olmaq məncə əsgərlik kimidir – vaxtında edilməli olan bir şeydir. Əgər övladlarım olsaydı, onlara 20 yaşında evlənin və siz də uşaq sahibi olun deyərdim.”

Zamanla baxışlarının dəyişdiyini bildirən aktyor, yalnızlığın insanı getdikcə daha çox sıxdığını etiraf edib:

“Hələ də uşaq sahibi olmaq istəyirəm. Bugünkü ağlım olsa, çoxlu uşaq dünyaya gətirərdim – bəlkə 5-6 dənə...”

Onun bu səmimi və duyğulu sözləri sosial mediada geniş əks-səda doğurub. İzləyicilər aktyorun açıqlamalarına “duyğulandıran etiraf” və “həmişə səmimiyyətinlə dəyərlisən” kimi rəylər yazıblar.

Ulusum.az