İsrail: “Hizbullahın gələcək lideri öldürülüb”

İsrail ordusu Hizbullahın rəhbərliyini təhvil alması gözlənilən Haşim Səfiuddinin hücum nəticəsində öldürüldüyünü açıqlayıb.

Məlumata görə, hücumlarda Hizbullahın kəşfiyyat idarəsinin rəhbəri Hüseyn Əli Həzimənin də zərərsizləşdirildiyi bildirilib.

Eyni zamanda, Beyrutun cənub bölgələrində ən azı 22 silahlının dağıntılar altından çıxarıldığı da vurğulanıb.

Xatırlada ki, oktyabr ayının əvvəllərində “Əl-Ərəbiyyə” telekanalı Hizbullahın yeni lideri olacaq Haşim Səfiuddinin İsrail qüvvələri tərəfindən hədəfə alınması ilə bağlı xəbər yayıb, ancaq sui-qəsd cəhdinin digər məqamları barədə məlumat verməyib.

Eltun Məmmədov