The New York Times: “İran İsrailin diplomatik obyektlərinə hücum edə bilər

Bu gün “The New York Times” qəzetində “Hizbullah-İsrail qarşıdurması ilə İranın növbəti addımı daha sadə ola bilər” başlıqlı yazı dərc edilib.

Qeyd edilib ki, daha genişmiqyaslı müharibə ilə bağlı həftələrlə regional qorxulardan sonra Hizbullahın İsrailə məhdud hücumları onu göstərir ki, İran da müttəfiq kimi eskalasiya riskini dəf etmək istəyir.

Bununla bağlı, qəzet Pentaqonun Yaxın Şərq əməliyyatlarına nəzarət edən Mərkəzi Komandanlığının (CENTCOM) keçmiş rəhbəri, istefada olan general Kennet Makkenziyə istinadən yazıb: “İran HƏMAS lideri İsmayıl_Həniyənin Tehranda öldürülməsinə cavab olaraq Avropa, Afrika və ya Cənubi Amerikadakı İsrailin diplomatik obyektlərinə hücum edə bilər. Zəif cəhətlərinə görə səfirliklər asan hədəflər sayılır”.

Eltun Məmmədov