Beynəlxalq axtarışda olan şəxs Rusiyaya ekstradisiya edildi

Rusiya vətəndaşı, 1995-ci il təvəllüdlü Zeynalov Sexran Ablağa oğlu Rusiyada külli miqdarda psixotrop maddələrin qanunsuz əldə edilməsi və saxlanması ittihamı ilə beynəlxalq axtarışa verilmişdi.

Beynəlxalq axtarışda olan Zeynalov Sexran Ablağa oğlu 2025-ci ilin mart ayında Azərbaycanda saxlanılıb və barəsində həbs qətimkan tədbiri seçilib.

Rusiya Baş Prokurorluğunun vəsatəti əsasında Azərbaycan tərəfindən onun ekstradisiyası təmin olunub. Zeynalov Ədliyyə Nazirliyinin Penitensiar Xidmətinin xüsusi konvoyunun müşayiəti ilə Rusiya Federasiyasının səlahiyyətli orqanlarına təhvil verilib.

Rəxşəndə Daşdəmirova
Ulusum.az