Naxçıvanda 77 kiloqramdan artıq narkotik vasitə aşkar edilib - FOTO

İrandan Türkiyəyə tranzit gedən yük maşını Naxçıvanın Sədərək gömrük postunda saxlanılıb. Türkiyə vətəndaşının idarə etdiyi yük nəqliyyat vasitəsində "divar paneli" adı altında şübhəli yüklər aşkarlanıb.

Kinoloji xidmət itinin iştirakı ilə aparılan dəqiq axtarış zamanı, yük konteynerinin içərisində gümüşü folqaya bükülmüş 24 bağlamada ümumi 77 kq 150 qram narkotik vasitə – marixuana tapılıb. Qaçaqmalçılar maddəni divar panellərinin arasında gizlədərək aşkar olunmasını çətinləşdirmək istəyiblər.

Faktla bağlı araşdırma davam etdirilir, hadisə ilə bağlı cinayət işi açılıb.

Ulusum.az