Trampın İranla saziş açıqlaması neft qiymətlərini aşağı saldı

ABŞ Prezidenti Donald Trampın İranla mümkün nüvə razılaşması barədə verdiyi açıqlamalardan sonra neft qiymətləri kəskin şəkildə aşağı düşüb. Bu barədə ticarət platformalarının məlumatlarına əsasən 1prime.ru yazır.

15 may tarixində:

WTI markalı neftin iyun fyuçerslərinin qiyməti 3,21% azalaraq bir barel üçün 61,12 ABŞ dolları olub.

Brent markalı neftin iyul fyuçerslərinin qiyməti isə 3% geriləyərək 64,11 dollar/barel səviyyəsinə düşüb.

Bundan əlavə, NBC News xəbər verir ki, İran ABŞ ilə nüvə sazişini imzalamağa hazırdır, əvəzində Tehrana qarşı tətbiq olunan sanksiyalar ləğv olunmalıdır.

Qeyd edək ki, 9 mayda Brent markalı neftin qiyməti bir daha 64 dollar/barel həddini aşmışdı.

✍️"Ulusum".az