TikTok 2025-ci ildə də Çinin ən dəyərli brendi olaraq qaldı

TikTok/Douyin sosial şəbəkəsinin brend dəyəri bir il ərzində 26% artaraq 105,8 milyard dollara çatıb. Bu barədə Brand Finance China 500 illik hesabatında qeyd olunub.

Enerji şəbəkəsi operatoru State Grid Corporation of China brend dəyərini 20% artıraraq 85,6 milyard dollara çatdırıb və üçüncü yerdən ikinci yerə yüksəlib. Nəticədə Industrial and Commercial Bank of China 79,1 milyard dollar (10% artım) ilə üçüncü yerə geriləyib.

Növbəti üç mövqeni də banklar tutur:

China Construction Bank – 78,4 milyard dollar (+19,5%)

Agricultural Bank of China – 70,2 milyard dollar (+16%)

Bank of China – 63,8 milyard dollar (+26,5%)

Sərt spirtli içki brendi Moutai 58,4 milyard dollar (16,5% artım) ilə yeddinci yerini qoruyub saxlayıb.

China Mobile telekommunikasiya brendi 6% artım ilə 47 milyard dollara çataraq doqquzuncu yerdən səkkizinciyə yüksəlib. Tencent 44 milyard dollarla doqquzuncu yerdə qərarlaşıb (ötən il onuncu idi). Ping An sığorta brendi isə 2,6% azalma ilə 43,2 milyard dollar olub və səkkizincidən onuncu yerə enib.

Ötən ilin top-10-luğundan çıxan WeChat bu il 13-cü sırada yer alıb.

Ən sürətli böyüyən brend isə Little Swan olub. Bu brendin dəyəri 3,1 dəfə artaraq 1,8 milyard dollara çatıb. Little Swan markası altında Midea Group paltaryuyan maşınlar və kondisionerlər istehsal edir.

Çinin ilk 100 ən dəyərli brendinin ümumi dəyəri 2 trilyon dollara çatıb.

Top-100 siyahısına daxil olan 64 bank brendinin ümumi dəyəri 4% artaraq 467,6 milyard dollar olub. 13 sığorta brendinin dəyəri isə 2% azalaraq 133,9 milyard dollar təşkil edib.

Avtomobil sektorunda bu il reytinqə daha üç brend daxil olub və ümumi say 30-a çatıb. Bu sahənin brend dəyəri 3% artıb. Ən dəyərli avtomobil brendi BYD olub – 14 milyard dollar (+16%).

Neft-qaz sektorunun liderləri PetroChina Co. (+17%, 33,3 milyard dollar) və Sinopec (+5%, 29,8 milyard dollar) olub. Sektor üzrə ümumi artım 8% təşkil edib və burada ümumilikdə altı brend yer alıb.

✍️"Ulusum".az