Dünyanın ən güclü dövlətləri açıqlanıb

ABŞ dünyanın ən güclü dövləti olaraq qalır, Çin isə ilk dəfə Böyük Britaniyanı geridə qoyaraq ikinci yerə yüksəlib, deyə Brand Finance-in illik araşdırması olan Global Soft Power Index-də bildirilir, “Ulusum”.az xəbər verir.

ABŞ birinci yeri qoruyub saxlasa da, ölkənin nüfuzu prezidentlik kampaniyasının ardından azalmağa başlayıb, eyni zamanda prezident Donald Trampın dövründə gələcəklə bağlı perspektivlər qeyri-müəyyən olaraq qalır.

Yaponiya dördüncü, Almaniya beşinci, Fransa altıncı, Kanada yeddinci, İsveçrə səkkizinci, İtaliya doqquzuncu, Birləşmiş Ərəb Əmirlikləri isə onuncu yeri qoruyub saxlayıb.

Rusiya 16-cı yerdə qalarkən, Belarus keçən ildən 87-ci sıradan 80-ci sıraya yüksəlib.

Ən böyük irəliləyişi isə Salvador nümayiş etdirib, o, 35 pillə irəliləyərək dünya reytinqində 82-ci yerə yüksəlib.

Top-100-ə daxil olan dövlətlər arasında ən böyük inkişafı Cənubi Koreya göstərib, o, üç pillə irəliləyərək 12-ci yerə yüksəlib. Brand Finance bu irəliləyişi K-pop musiqisinin artan populyarlığı, həmçinin cənubi koreyalı filmlər və televiziya şouları ilə əlaqələndirir. Bundan əlavə, respondentlər ölkədə "irəliləmiş texnologiyalar və innovasiyalar" və "irəliləmiş elm" haqqında fikirlərini bildiriblər.

Brand Finance "yumşaq güc" reytinqini (dövlətlərin, şirkətlərin, icmaların və ictimaiyyətin davranışına və seçimlərinə mədəni və informasiya təsiri ilə təsir etmək gücü, məcburiyyət tətbiq etmədən) 173 min nəfərdən çox respondentlə aparılan sorğuya əsaslanaraq hazırlayır. Bu reytinqə BMT-yə üzv olan 193 ölkə daxildir və hər bir ölkə 55 göstərici üzrə qiymətləndirilir. Global Soft Power Index altıncı ildir hesablanır.

Səidə