İxtisası olmayan cərrah 100-ə yaxın xəstəni şikəst edib

"Ulusum".az Daily Mail-ə istinadən xəbər verir ki, İngiltərədə ixtisası olmayan bir cərrah 100-ə yaxın xəstəni şikəst edib. Cərrah Mian Munavar Şah, 2018-ci ildə Valsall dövlət xəstəxanasında bir neçə xəstəyə qeyri-standart tibbi müdaxilələr edərək onların həyatını cidd şəkildə təsir edib.

Qurbanlardan biri, 51 yaşlı Angela Glover, çiyninə əməliyyat edilərkən səhv müdaxilə edildiyini bildirib. Angela, Şahın çiynini yerindən çıxardığını və sonra çiyninə metal sancaqlar taxdığını iddia edib. Sonradan məlum olub ki, Angela yalnız əzələ yırtığına sahib olub və əməliyyat ona lazım deyildi. Hələ də daimi ağrılar yaşayan Angela, yeni doğulmuş nəvəsini qucağına ala bilmir və gündəlik işlərini yerinə yetirə bilmir.

Təhqiqat nəticəsində Dr. Şahın 91 xəstəyə "qeyri-standart" tibbi yardım göstərdiyi və onların hamısının çiyin və ya bilək əməliyyatı tələb etdiyi müəyyən edilib. Araşdırma göstərib ki, Dr. Şah sümükləri çıxarmaq və ya vintlər və protezlər taxmaq kimi əməliyyatları icra etmək üçün lazım olan təcrübəyə sahib deyildi.

Xəstəxana rəhbərliyi, Dr. Şahın manipulyasiyalarından əziyyət çəkən xəstələrdən və onların ailələrindən üzr istəyib. Lakin həkimin qarşılaşacağı hüquqi məsuliyyət və xəstələrə veriləcək pul kompensasiyaları barədə heç bir məlumat verilməyib.