Pakistanda müsəlman məktəbində partlayış baş verib

“Ulusum”.az Əl-Ərəbiyyə portalına istinadən xəbər verir ki, Pakistanın şimal-qərbində böyük mədrəsədə baş verən partlayış nəticəsində 6 nəfər ölüb.

Daha bir neçə nəfər, o cümlədən məktəbin direktoru, Talibanın mənəvi atası sayılan mərhum Sami ül-Həqin oğlu Həmid ül-Haq yaralanıb. Telekanal onun vəziyyətinin ağır olduğunu bildirir.

Sözügedən İslam məktəbi keçmişdə Əfqan Talibanı ilə sıx əlaqələri ilə tanınırdı və indi də islam radikalları ilə əlaqələndirilir.

Hələlik heç kim partlayışa görə məsuliyyəti üzərinə götürməyib.

Səidə