Sabirabadda baş verən yol-nəqliyyat hadisəsi zamanı 3 nəfər ölüb, 3 nəfər xəsarət alıb

Səhər saatlarında Sabiranad rayonunun Minbaşı kəndində iki avtomobilin toqquşması nəticəsində 3 nəfər həyatının itirib. Bir neçə nəfər yaralı isə xəstəxanaya yerləşdirlib. Faktla bağlı araşdırma aparılır.
Hadisə Sabirabad rayonunun Minbaşı kəndi ərazisində baş verib. Belə ki, "Toyota" markalı avtomobillə "Daewoo" markall avtomobilin toqquşması nəticəsində 3 nəfər ölüb. Ölənlər Sabirabad rayonunun Minbaşı kənd sakini, 1992-ci il təvəllüdlü Umudov Samir Qurbanəli oğlu, Həşimxanlı kənd sakini, 1993-cü il təvəllüdlü Abuzərova Salatın Rəhman qızı, Minbaşı kənd sakini, 1971-ci il təvəllüdlü Hacıyev Manaf Poladxan oğludur. Yaralılar Çölbeşdəli kənd sakini, 1986-cı il təvəllüdlü Hüseynov Sakit Rəvan oğlu, 2017-ci il təvəllüdlü, Umudov Əli Samir oğlu və 2016-cı il təvəllüdlü Umudova Nuray Samir qızı Şirvan xəstəxanasına yerləşdiriliblər. Avtomobillərdə sıxılıb qalmış meyitlər Fövqəladə Hallar Nazirliyinin əməkdaşları tərəfindən çıxarılaraq aidiyyatı üzrə təhvil veriliblər. DİN-in Mətbuat Xidmətinin Şirvan regional qrupundan bildirilib ki, qeyd edilən yol-nəqliyyat hadisəsi bu gün səhər saatlarında Sabirabad rayonunun Qarağac kəndi ərazisində baş verib. “Daewoo” və “Toyota” markalı nəqliyyat vasitələrinin toqquşması nəticəsində 3 nəfər vəfat edib, 3 nəfər sərnişin isə müxtəlif dərəcəli bədən xəsarətləri alaraq xəstəxanaya yerləşdirilib. Faktla bağlı Sabirabad RPŞ-də araşdırma aparılır.

Eltun Məmmədov