Livan əsgəri İsrailin pilotsuz təyyarəsinin hücumu nəticəsində həlak olub

Livan ordusundan verilən məlumata görə, bir Livan əsgəri İsrailin pilotsuz təyyarəsinin hücumu nəticəsində həlak olub.

Ordunun bəyanatında deyilir ki, "əsgərlərdən biri İsrailin düşmən pilotsuz təyyarəsinin motosikletə hücumu nəticəsində həlak olub". Hadisənin keçid məntəqəsində baş verdiyi qeyd edilir.

Bu arada Livanın Səhiyyə Nazirliyi bildirir ki, İsrailin Sidonun şərqindəki Ayn Delib şəhərinə endirdiyi zərbə nəticəsində ölənlərin sayı 45 nəfərə çatıb, azı 75 nəfər yaralanıb.

Eltun Məmmədov