Qazaxda icra başçısının vətəndaşlarla ilk səyyar görüşü keçirilib

Şəhər sakinləri ilə keçirilən görüşdə rayonda görülən işlərə görə razılıq ifadə olunub, təklif və müraciətlər dinlənilib.

Ulusum.az xəbər verir ki, Qazaxda başçısının fevral ayında vətəndaşlarla keçirilən ilk səyyar görüşü şəhər sakinləri ilə baş tutub.


Görüşdə Yeni Azərbaycan Partiyası Qazax Rayon Təşkilatının sədri Anar Nəbiyev də iştirak edib.

Anar Nəbiyev çıxış edərək rayonda görülən işlərə və vətəndaşlara göstərilən qayğıya görə rayon rəhbərliyinə razılığını bildirib.

Sakinlər görüşə gəldiyinə və daim qayğı göstərdiyinə görə rayon rəhbərliyinə minnətdarlıq ediblər.
Onlar son illər rayonda və yaşadıqları küçələrdə aparılan abadlıq və yeniliklərin şahidi olduqlarını qeyd ediblər.

Dövlət başçısı və rayon rəhbərliyi tərəfindən görülən işləri yüksək dəyərləndirdiklərini vurğulayıblar.
Səmimi münasibət və vətəndaşlara olan diqqətin məmnunluq doğurduğunu bildiriblər.

Sakinlər göstərilən qayğıya görə Prezident İlham Əliyevə təşəkkürlərini çatdırıblar.
Görüş səmimi söhbət əsasında keçib.

Minnətdarlıqla yanaşı, sakinlər onları narahat edən bir sıra məsələləri də dilə gətiriblər.
Qazax şəhər Səlim Əfəndiyev adına 1 nömrəli tam orta məktəbin əsaslı təmiri ilə bağlı müraciət dinlənilib.

Bildirilib ki, məsələ diqqətlə araşdırılacaq və aidiyyəti qurumlar qarşısında yenidən qaldırılacaq.

Ulusum.az