İsrailin Livanın cənubuna endirdiyi zərbələr nəticəsində 50 nəfər ölüb

İsrail Hərbi Hava Qüvvələrinin bu gün Livanın cənubuna endirdiyi zərbələr nəticəsində 50 nəfər ölüb, 300-dən çox insan yaralanıb.

Livanın baş naziri Nəcib Mikati İsrailin kütləvi hücumunu pisləyərək, bunu “dağıdıcı planın” bir hissəsi adlandırıb, Al Arabiya xəbər verir.

“İsrailin Livana qarşı davam edən təcavüzü sözün hər mənasında məhvetmə müharibəsidir və Livanın kənd və şəhərlərini məhv etməyə yönəlmiş dağıdıcı plandır”.
- Mikati Nazirlər Kabinetinin iclasında bildirib.

Məlumata görə, o, BMT-ni “İsrail təcavüzünü saxlamağa” çağırıb.

İsrail Müdafiə Nazirliyinin bəyanatına görə, indiyədək Livandakı 300-dən çox Hizbullah hədəfi hücuma məruz qalıb.

Eltun Məmmədov