Qazax Gənclər Evi Zirvədə: “Əməkdaşlıqda Lider” Nominasiyasının Qalibi

Gənclər Evlərinin I Forumu çərçivəsində Qazax Gənclər Evi səmərəli fəaliyyəti və güclü əməkdaşlığa görə respublika səviyyəsində yüksək mükafata layiq görülüb.

Ulusum.az.-ın bölgə müxbiri xəbər verir ki, Gənclər Evlərinin I Forumu çərçivəsində “Qazax Gənclər Evi” sosial xidmət müəssisəsi respublika səviyyəsində yüksək qiymətləndirilib.

Gənclərlə iş sahəsində səmərəli fəaliyyəti və qurumlararası əməkdaşlığa verdiyi töhfələrə görə müəssisənin direktoru Vüsal Hüseynov “Əməkdaşlıqda Lider – Gənclər Evi” nominasiyası üzrə mükafata layiq görülüb.

Bu mükafat Qazax Gənclər Evinin kollektivinin və könüllülərinin birgə əməyinin nəticəsidir.
Əldə olunan nailiyyət yeni layihələrin həyata keçirilməsi üçün mühüm stimul yaradır.

Bu uğur Qazax gəncliyinin gələcəkdə daha böyük zirvələr fəth edəcəyinə inamı gücləndirir






Ulusum.az
Elnur Quliyev