Kürdəmirdə leysan yağışlar həyatı iflic edib - VİDEO

Kürdəmirdə bir anda başlayan leysan yağışları həyatı iflic etdi. Ulusum.az-ın məlumatına görə, rayonda yağmaya başlayan leysan suları piyadalar və sürücülər üçün çətin anlar yaşatdı. Rayonun Xanlar Səfərəliyev,Səhriyar küçələrində eləcədə Bakı prospektində vəziyyət daha acınacaqlıdır. Belə ki,adı çəkilən küçələrdə gediş gəliş tamamilə dayanıb. Sakinlər evlərindən çıxmağa çətinlik çəkirlər. Küçələrdə sel sularının hündürlüyü 40-50 sm çatıb. Hazırda aidiyyatı qurumların canlı qüvvəsi və texnikası əraziyə cəlb olunub. Fəsadların aradan qaldırılması istiqamətində zəruri işləri həyata keçirirlər.

Eltun Məmmədov