Piyadalar səkilərdən niyə keçə bilmir? FOTO - EKSKLÜZİV

Bakıya yağan güclü leysan yağışlar daha bir problemi ortaya çıxardı.

Gündən-günə artan maşınların sayı, yollarda təmir işlərinin aparılması bir yandan, sürücü düşüncəsizliyi, mədəniyyətsizliyi də bir yandan paytaxt küçələrini keçilməz edir. Xüsusilə də yağan güclü leysan yağışlar zamanı yaranan mənzərə problemi daha qabarıq büruzə verdi.

Bura Nərimanov rayonu, Əhməd Rəcəbli 23 küçəsidir. Maşınlar piyadalar üçün nəzərdə tutulan hərəkət hissəsini zəbt edib.

Avtomobillər quruda dayanıb, insanlar isə gölməçədən keçməli olurlar.

Ulusum.az xəbər verir ki, yolun ortası sökülmüş və dağınıq vəziyyətdədir. Yağışlı havada vəziyyət daha da kritik olur.

Bu səbəbdən maşınlar yolun quru və səliqəli yerində dayandığı halda, piyadalara dağınıq və gölməçəni xatırladan yoldan keçməkdən başqa variant qalmır.


Görünən odur ki, işi sürücülərin vicdanına buraxmaqla deyil. Yalnız cərimələrin ciddi şəkildə tətbiqi vəziyyəti düzəldə bilər..

Ağa Dadaşzadə