Daha bir neçə məhkum edam edildi

İranda İnsan Haqları Təşkilatı – HENGAW xəbər verib ki, iyunun 1-də Şiraz şəhərinin mərkəzi həbsxanasında üç məhbus dar ağacından asılıb.

Ulusum.az-ın məlumatına görə, məhbuslardan ikisi narkotik maddələrin qanunsuz dövriyyəsində, biri isə qəsdən adam öldürməkdə ittiham edilib.

Təşkilat bildirib ki, İranın hökumət mediası məhbusların edam olunması ilə bağlı heç bir paylaşım etməyib.

Qeyd edək ki, bu ilin aprel ayının 20-dən may ayının 20-ə kimi ölkə həbsxanalarında 126 nəfərin edam hökmü həyata keçirilib.

Eltun Məmmədov