Moskva Satira Teatrının sabiq direktoru Məmməd Ağayev həbs olundu

Moskvanın Tağanski Rayon Məhkəməsi Satira Teatrının sabiq direktoru Məmmədəli Ağayevi həbs edib. Bu barədə RBK məlumat yayıb.

Ağayevə xüsusilə böyük miqyasda dələduzluq ittihamı irəli sürülüb (Rusiya Cinayət Məcəlləsinin 159-cu maddəsinin 4-cü bəndi). Bu ittiham onu 10 ilədək azadlıqdan məhrumetmə ilə cəzalandıra bilər. Ağayevin və yaxın qohumlarının bank hesablarına həbs qoyulub.

Avqustun 28-də Rusiya DİN-in rəsmi nümayəndəsi İrina Volk açıqlama verərək, paytaxt teatrlarından birinin sabiq direktorunun FSB əməkdaşları ilə birgə əməliyyat zamanı saxlanıldığını bildirmişdi. Sonradan məlum olub ki, saxlanılan şəxs 1992–2021-ci illərdə Satira Teatrına rəhbərlik etmiş Məmmədəli Ağayevdir.

Ulusum.az