Yaponiyada Simmoe vulkanı 5,5 km hündürlüyə kül püskürtdü

Yaponiyanın cənub-qərbində yerləşən Kyuşu adasında Simmoe vulkanı 5,5 kilometrdən yüksək alovlu kül və tüstü sütunu püskürüb.

Bu barədə Kaqosima prefekturasının regional meteorologiya idarəsi məlumat yayıb.

Məlumata görə, iyul ayının əvvəlindən bəri ilk dəfədir ki, vulkan bu qədər hündürlükdə kül sütunu püskürür. Simmoe bölgəsində hələ də təhlükənin beşpilləli şkalası üzrə üçüncü səviyyəsi qüvvədə qalır. Bu səbəbdən kraterin yerləşdiyi dağa yaxınlaşmaq qadağandır.

Ulusum.az