Gömrükdə 100 min dollara yaxın vəsait gizlədilməsi faktı aşkarlandı

Dövlət Gömrük Komitəsinin Tovuz Gömrük İdarəsinin əməkdaşlarının həyata keçirdiyi tədbirlər çərçivəsində xarici valyutanın ölkənin gömrük sərhədindən gömrük nəzarətindən gizli şəkildə keçirilməsinin qarşısı alınıb.

Ulusum.az komitəyə istinadən xəbər verir ki, Tovuz Gömrük İdarəsinin "Qırmızı Körpü" gömrük postunda yük nəqliyyat vasitəsinə baxış keçirilib.

Baxış zamanı nəqliyyat vasitəsində və sürücünün üzərində gömrük nəzarətindən gizlədilən 94 270 ABŞ dolları aşkar edilib.

Faktla bağlı araşdırma aparılır.