İraqın Əl-Kut şəhərində yeni ticarət mərkəzində yanğın baş verib

İraqın şərqində, Əl-Kut şəhərində beşmərtəbəli ticarət mərkəzində güclü yanğın baş verib. Bu barədə BBC telekanalı məlumat yayıb.

Jurnalistlərin verdiyi məlumata görə, yanğın 16 iyul axşamı başlayıb. Alov, təxminən bir həftə əvvəl açılmış ticarət mərkəzinin bütün binasını bürüyüb.

Hazırda fövqəladə xidmət əməkdaşları vəziyyəti nəzarət altına ala biliblər. Mütəxəssislər binadan 45 nəfəri çıxarıb, lakin 61 nəfəri xilas etmək mümkün olmayıb. Bu hadisə ilə bağlı Əl-Kutun yerləşdiyi Vasit vilayətinin qubernatoru Məhəmməd əl-Miyahi üç günlük matəm elan edib. Həmçinin rəsmi şəxs ticarət mərkəzinin sahibi barəsində cinayət işi açılacağını bildirib.



Ulusum.az