Britaniyada 24 yaşlı kişi 22 sm dərinliyində uşaq hovuzunda boğularaq ölüb

Donkaster şəhərində 24 yaşlı Roan Blur uşaq hovuzundan suyu boşaldarkən huşunu itirib və 22 santimetr dərinliyində olan suya yıxılıb. Hadisə barədə Metro qəzeti yazır.

Blur suyun içində təxminən 5 dəqiqə huşsuz qalıb. Təcili yardım gələnə qədər onun ürəyi dayanmışdı. Xilasedicilər ürək fəaliyyətini bərpa etsələr də, beyini artıq çox uzun müddət oksigensiz qalmışdı.

Hadisə zamanı onun valideynləri məzuniyyətdə idi. Oğullarının vəziyyətini öyrənən kimi xəstəxanaya tələsiblər, lakin Roan valideynləri gəlməmişdən 10 dəqiqə əvvəl vəfat edib.

Ulusum.az