Nəhəng balıq balıqçını dənizə apardı – Hindistanda faciə

Hindistanın Andhra Pradeş ştatında 26 yaşlı balıqçı Çodapalli Yerayya dənizdə balıq tutarkən nəhəng marlin balığı tərəfindən qayıqdan dənizə çəkilərək yoxa çıxıb.

O, dostları ilə birlikdə Benqal körfəzinə çıxaraq sahildən 15 mil aralıda ov edirdi. Yerayya iri balığı çıxarmağa çalışarkən, marlinin güclü dartınması nəticəsində tarazlığını itirib və dənizə düşüb. Balıq onu açıq dənizə doğru apardıqdan sonra axtarışlar nəticə verməyib.

Yerli rəsmilərin sözlərinə görə, bu cür hadisələr nadir deyil – nəhəng balıqların gücü bəzən insan həyatını təhlükə altına atır.

Marlin balığı 5 metrədək böyüyə, saatda 110 km sürətlə hərəkət edə və qılıncvari burnu ilə ovunu zərərsizləşdirə bilir.

Ulusum.az