Dönər kabusa çevrildi – Tovuzda 28 nəfər zəhərləndi

Tovuz rayonunda dönərdən kütləvi zəhərlənmə hadisəsi baş verib. Dünən saat 16:56 radələrində 13-ü kişi, 15-i qadın olmaqla ümumilikdə 28 nəfər zəhərlənmə şübhəsi ilə Tovuz Rayon Mərkəzi Xəstəxanasının Təcili və Təxirəsalınmaz Tibbi Yardım şöbəsinə çatdırılıb.

Ulusum.az xəbər verir ki, zərərçəkənlərin hər birinə lazımi tibbi müdaxilə göstərilib, vəziyyətləri isə stabil olaraq qiymətləndirilib. Hazırda onların müalicəsi xəstəxananın TTTY şöbələrində davam edir.

Zəhərlənməyə səbəb olan dönərin hansı şəraitdə hazırlandığı və konkret olaraq hansı bakterial mənşəli problemə səbəb olduğu hələlik araşdırılır.