"Kassap Döner" yenə zəhərlədi – bu dəfə 17 nəfər xəstəxanada

Naxçıvanın mərkəzində yerləşən məşhur “Kassap Döner” dönərxanası bu dəfə 17 nəfərin xəstəxanalıq olmasına səbəb olub. Hadisə H.Əliyev prospektində baş verib. Naxçıvan Yoluxucu Xəstəliklər Mərkəzindən Qida Təhlükəsizliyi Agentliyinə verilən məlumata görə, qidadan kütləvi zəhərlənmə qeydə alınıb.

Agentlik dərhal müdaxilə edib: şübhəli məhsulların toxunulmazlığı təmin olunub, dönərxana müvəqqəti bağlanıb.

Ən dəhşətlisi isə odur ki, bu artıq ilk hal deyil! Mayın 22-də də eyni dönərxanada yeddi nəfərin zəhərlənməsi faktı qeydə alınmışdı.

Hazırda faktla bağlı araşdırma aparılır. Nəticələr ictimaiyyətə açıqlanacaq.

Ulusum.az