Parisdə şok: Kriptovalyuta nəhənginin qızını oğurlamaq istədilər - VİDEO

Parisdə cinayətkarlar Fransanın “Paymium” kriptovalyuta birjasının həmtəsisçisi və baş direktoru Pyer Nuazın qızını oğurlamağa cəhd ediblər. Bu barədə France24 məlumat yayıb.

Hadisə 13 may tarixində şəhərin mərkəzində baş verib. Maskalı şəxslər 34 yaşlı qadını zorla furqona salmağa çalışıblar. Onun yanında iki yaşlı uşağı və uşağın atası da olub. Ata hadisəyə müdaxilə edib, daha sonra isə yoldan keçənlər köməyə gəlib: biri cinayətkarlara yanğınsöndürən balonu atıb, digəri isə onların yerə saldığı tapançanı götürüb. Hücum uğursuz alınıb və cinayətkarlar hadisə yerindən qaçıblar.

Sonradan polis onların tərk etdiyi, Chronopost kuryer xidmətinə məxsus furqonu aşkarlayıb. Hadisə Banditizmə qarşı Mübarizə İdarəsinə təhvil verilib. Bu, Fransada kriptovalyuta ilə əlaqəli şəxslərə qarşı edilən artıq beşinci hücumdur.



Ulusum.az