Lerikdə dəhşətli qətl: Güllələnmiş meyit çay kənarında tapıldı

İyunun 1-də Lerikdə itkin düşən 35 yaşlı Şahin Şərifovun meyiti Monidigah kəndi ərazisindəki çayın kənarında tapılıb. Meyitdə baş və bədən nahiyələrində güllə yaraları aşkarlanıb.

Prokurorluq və polis əməkdaşlarının birgə əməliyyatı nəticəsində cinayəti törətməkdə şübhəli bilinən 34 yaşlı Elşən Ağayev saxlanılıb. Onun yaşadığı evdən nömrəsi silinmiş “Makarov” tapançası, daraq və 159 ədəd patron aşkarlanaraq götürülüb.

Faktla bağlı Cinayət Məcəlləsinin müvafiq maddələri ilə iş başlanıb, istintaq davam edir.

Hadisə yerindən tapılan silah-sursat və güllə izləri qətlin planlı ola biləcəyini göstərir. Təfərrüatlar hələlik açıqlanmayıb.

Ulusum.az