Aslanın hücumu iş adamının həyatına son qoydu

59 yaşlı iş adamı Bernd Kebbelin düşərgə maşınının üzərindəki çadırdan tualet ehtiyacı üçün endiyi zaman dişi aslanın hücumuna məruz qaldığı məlum olub.

Hadisənin şahidlərinin sözlərinə görə, aslan onu boynundan dişləyərək ağır yaralayıb. Ətrafdakı şəxslər müdaxilə etməyə çalışsa da, nəticə əldə olunmayıb. Kebbel aldığı ağır xəsarətlər səbəbindən hadisə yerində vəfat edib.

POLİS ARAŞDIRMASI BAŞLADILDI

Namibiya Polis İdarəsinin sözçüsü İmmanuel İiduva hadisəni “insan və vəhşi təbiət toqquşması” kimi qiymətləndirərək rəsmi araşdırmaya başlandığını bildirib. Lakin istintaqın detalları ilə bağlı ictimaiyyətə əlavə məlumat verilməyib.

NAZİRLİKDƏN AÇIQLAMA

Namibiya Ətraf Mühit, Meşə və Turizm Nazirliyinin sözçüsü Ndeşipanda Hamunyela yerli mediaya açıqlamasında Bernd Kebbelin həyatını itirdiyini təsdiqləyib. Hadisə bölgədəki turistik düşərgələrin təhlükəsizliyinə dair tədbirlərin yetərsizliyini yenidən gündəmə gətirib.

TƏBİƏTİN SADIQ MÜDAFİƏÇİSİ

Bernd Kebbel yalnız iş adamı deyil, həm də Namibiya səhrasında yaşayan aslanların qorunmasına verdiyi dəstək və təbiət yönümlü layihələri ilə tanınırdı.

Ulusum.az