Etiketlə kassadakı qiymət fərqli çıxdı – “Bazarstore”da pozuntu aşkarlanıb

Prezident yanında Antiinhisar və İstehlak Bazarlarına Nəzarət Dövlət Agentliyi "İstehlakçıların hüquqlarının müdafiəsi haqqında" qanuna əsasən "Bazarstore" MMC barəsində inzibati xəta protokolu tərtib edib.

Bu barədə Agentlikdən məlumat verilib.

Şirkətin məhsulu üzərindəki qiymətdən daha yüksək məbləğə satdığı aşkarlanıb və bu hal İnzibati Xətalar Məcəlləsinin 447.0.1-ci maddəsinə (Malın qiyməti üzrə istehlakçının az miqdarda aldadılması) uyğun olaraq inzibati xəta kimi qiymətləndirilib.

Ulusum.az