İranda zəlzələ qurbanlarının sayı artmaqda davam edir

İranda baş verən zəlzələdə xəsarət alanların sayı 29 nəfərə çatıb. Bu barədə “Mehr” agentliyi məlumat yayıb. Bildirilir ki, zəlzələnin episentri Xorasan-Rəzəvi vilayətində olub və yeraltı təkanlar Rixter cədvəli ilə 5 bal gücündə qeydə alınıb.

“Bu zəlzələ maddi zərərə səbəb olmasa da, 29 nəfər xəsarət alıb” – deyə xəbərdə qeyd olunur.

Məlumata görə, zərərçəkənlərin hamısı təkanlar zamanı qaçaraq xəsarət alıb. Onlardan yalnız biri xəstəxanaya yerləşdirilib, digərləri evlərinə buraxılıb.

✍️"Ulusum".az