Varşava Hava Limanında partlayış: nə baş verdi və niyə gizlədildi?

Polşa hakimiyyətləri 6 aprel tarixindən etibarən Varşavadakı Şopen adına hava limanında baş vermiş partlayış faktını gizlədir.

“Ulusum”.az xəbər verir ki, bu barədə RadioZet radiostansiyası məlumat yayıb. Hadisə, tullantı konteynerlərindən birinin boşaldılması zamanı baş verib. Əvvəlcə xarakterik bir səs eşidilib, sonra isə alov topu meydana gəlib.

Məişət tullantılarını daşıyan sürücü ciddi xəsarət almayıb. O, bu an yük maşınının yanında olub. Hava limanında tullantıları daşımadan məsul şirkət, radioya verdiyi cavabda konteynerdə "yüngül yanıcı və partlayıcı maddələrin" olduğunu bildirib. Onların növü hələ də açıqlanmır.

Bu arada, Varşava hava limanının mətbuat katibi Anna Dermont hələ də tullantı maşınında "bələdiyyə tullantılarının" olduğunu iddia edir. Onun sözlərinə görə, artıq hava limanında "ən yüksək təhlükəsizlik standartlarını təmin etmək" üçün araşdırma başlatılıb.

Vətəndaş aviasiyası departamenti hava limanının rəhbərliyi ilə daimi əlaqədə olduğunu vurğulayıb.